滕麗名和湯盈盈等昨日宣傳新劇《非常外父》，對於每逢鄭少秋的劇集播映，股市均會大幅波動，一眾有股票和基金在手的《非》劇演員均力撐秋官，而湯盈盈更重提誤信鍾慧儀而投資孖展一事，令她損失慘重。
葉璇、滕麗名、湯盈盈和黎耀祥等昨日在西環石塘嘴電車廠出發，乘坐電車到銅鑼灣宣傳今晚首播的新劇《非常外父》，有份主演的鄭少秋和葉童因不在港而缺席。
對於每次有秋官電視劇播出，都會發生「丁蟹效應」，股巿大幅波動，以致大家均十分關心股巿的升跌，但同劇演員卻不擔心這情況出現。
葉璇和湯盈盈分別擁有保本基金和藍籌股，但她們均不擔心「丁蟹效應」會隨《非》劇出現，葉璇說：「我真係唔擔心，不過覺得劇集宣傳冇咗秋官，冇咁熱鬧。我唔擔心套劇會影響股巿，搞到我哋出街俾人鬧。」葉璇早前被拍得跟上海電視台的製作總監在酒店咖啡室出現，她說：「報道出咗，重令我傾得成呢項工作。」
湯盈盈則表示手持的藍籌股十分穩陣，她說：「股巿都會有一日升番啫，如果跌咪趁低吸納，套劇都會播完啦。」湯盈盈重提當日誤信鍾慧儀而投資買孖展，湯盈盈說：「嗰時鍾慧儀介紹我買孖展，令我蝕咗好驚人嘅數字。經過嗰次，我就唔敢再買，一世都唔再掂。」
而穿着短裙出席活動的湯盈盈，表示早已做好防走光措施，但因遊電車河太大風，令其假髮差點被吹甩，惟有用貼紙貼着假髮，十分搞笑。
採訪、攝影：卓寶花
