陳小春與余文樂、吳浩康、2R及古巨基等，前晚錄影《勁歌金曲》，其間一位歌迷模仿小春打扮，在台上大跳HipHop舞，博得全場掌聲如雷，不過驟眼看該fans打扮，似杜汶澤多過似小春。小春事後亦認同對方似杜汶澤，他說：「佢似阿澤多啲，扮我真係辛苦佢啦！」
早前小春被指蒲中環和結識了新女伴，但他解釋根本不認識對方，小春說：「佢行過之嘛，咁都俾人講真係好無奈！」
此外，吳浩康前晚自爆早前與一班fans到內地拍攝無綫特輯時遭男fans侵犯，他說：「對方上台唱時，突然解咗自己褲鈕，跟住佢又捉住我隻手同摸我隻手，我覺得好似俾人侵犯咁。」
採訪：卓寶花 攝影：陳慧安