黎明前晚出席海洋公園的萬聖節活動，提到緋聞女友舒淇時，黎明表示她平日不會事事問他意見，又以電影《英雄》作比喻，認為不同人有不同的看法，他從未說過自己與舒淇是一對，這只是外間的見解。
黎明前晚以公益金籌募委員會委員身份，與公益金籌募委員會聯席主席余錦基、伍士榮及唐詩詠等，到海洋公園出席「2003年海洋公園十月全城哈囉喂」活動，葉雅媛還帶同女兒的兩名同學與黎明合照。
黎明的緋聞女友舒淇早前帶着新戲劇本到泰國拜會白龍王，對此他說：「見唔見唔關我事，唔通佢樣樣嘢都問我咩？唔會㗎嘛。」黎明表示舒淇平日也不會事事問他意見，他說：「佢點解要問我意見？點解硬係要拉我同佢嘅嘢寫埋一齊？我冇夾硬強調我會介意你哋覺得我哋係一對，但點解你哋夾硬要我哋覺得我哋係一對，啱唔啱呀？」
提到有傳舒淇接拍陳可辛新戲全靠黎明引薦，黎明說：「你哋講晒咪得囉，使乜問我啫，你哋問我我都唔識答，你哋有冇睇《英雄》呀？偉仔同陳道明都有唔同睇法啦，呢啲係你哋設計嘅畫面，唔係我嘅data，問我都冇用，好搞笑。」黎明表示不會為緋聞刻意澄清，他說：「唔緊要，當生活情趣囉。」
問黎明客串《金雞》續集是否飾演嫖客？他說：「我睇晒劇本，但我係演員，要得導演同觀眾批准先講得。」此外，黎明表示喜歡看鬼片，但只選擇下午觀看，他說：「晏晝睇完戲心情易平復啲，可以有多啲時間調節心理。」
採訪、攝影：陳梅香
