黎姿前晚與父親黎柱及姑姐黎宣等，到西灣河電影資料館出席「黎民偉的足跡——誕生一百一十週年紀念」活動，黎姿表示看過爺爺黎民偉的大部份舊作，她非常欣賞爺爺對電影事業不屈不撓的精神及貢獻。
黎姿透露並非自小受薰陶才加入娛樂圈，她說：「我冇諗過做演員，係細個被星探發掘先入呢行，𠵱家去到我嗰代得我一個係演員，所以家人都將希望擺晒我身上，個個緊張我嘅事業，其實我都想試吓做其他行業。」
此外，對於近日有傳陳豪有意追求她，黎姿否認說：「我感覺唔到佢追我，你自己問番佢啦，我對男藝人係完全冇興趣，我唔係歧視，只係想搵個同我生活圈子唔同嘅人。」
採訪、攝影：馮美茵