政府上周立法管制以「纖體」、「排毒」字眼掛帥的減肥藥，話呢啲產品誇張失實，有誤導巿民之嫌。其實，想要真正減肥效果，最有效方法莫過於有恒心去控制食量。黃秋生靠食芽菜都可以激減四十磅就是最佳例子。
不過數到真正的減肥高手，首選當然是一班參加健美比賽的「大隻佬」。唔好小看這班練得一身肌肉的大隻佬，其實他們的身體脂肪比例，較任何人都要少，一般來說只有四至六個百分點左右。（正常男性脂肪比例為十至二十個百分點、女性為二十至三十個百分點）
最近，筆者與剛贏得亞洲健美錦標賽冠軍的李立志談及有關減肥收身問題，言談間發現他的減肥妙方，原來只是戒油、戒盬及控制食物份量這麼簡單，就可以將身體脂肪比例控制在百分之四內，參賽時盡顯肌肉線條。
聽來似十分簡單的減肥方法，其實要實行都有很大難度，如果你可以長期忍受白烚意粉當早餐，中午食清蒸薯仔頂肚，夜晚食白烚蔬菜加無調味雞肉，忘記人間各種美食，你都可以成為出色的減肥高手。
筋肉人
電郵：