古巨基前晚以怪醫秦博士打扮出席商台活動，搶盡方力申和Twins風頭。其間方力申與基仔在台上扮Twins手拖手合唱，事後基仔竟表示拖手後「搞到好濕」，十分不文，原來基仔是指二人手汗多。
女子組合Twins的蔡卓妍（阿Sa）和鍾欣桐（阿嬌）、古巨基和方力申，前晚在九龍灣國際展貿中心出席商台節目《雲妮夜總會》戶外直播，阿Sa與阿嬌以公主裝束示人，而基仔和方力申則分別扮怪醫秦博士和王子。
基仔的造型維肖維妙，出場博得觀眾熱烈掌聲讚賞。而基仔與方力申又一邊唱歌一邊手拖手，基仔又把頭倚在方力申膊上，揚言是模仿Twins，引得哄堂大笑。基仔談及跟方力申拖手的感覺時十分不文地說：「大家都搞到好濕！」其後解釋說大家都有手汗，古巨基說：「方力申啲手汗好勁，我自己啲手汗又好勁，所以大家拖住嗰陣好濕！」
前晚阿Sa與阿嬌被主持問到夢中情人要有甚麼條件，阿Sa說：「唔好太瘦囉，我鍾意肥肥哋嗰啲，因為可以攬住！」阿嬌則說：「最好對眼識講嘢，身形唔使咁大隻，因為你以為保護到你嘅時候，可能倒轉頭傷害你。」
有傳方力申跟Cookies成員Stephy拍拖，方力申笑說：「好開心終於有傳聞，但我哋真係冇拍拖，大家都係同一間公司，嗰日我哋做完嘢，咪約埋一齊行街。Stephy係好女仔、好甜美，我都係鍾意呢類型嘅！」
此外，方力申和前單車好手洪松蔭昨日出席在商台舉行的「毅行者2003」記者會，他們將於下月出席該活動起步禮。對於車禍喪生的香港足球員張耀麟，方力申說：「佢係我中學嘅師兄，覺得好可惜。」
採訪：王崇穎
