作為父母的，稍有行差踏錯，受苦的永遠是他們的兒女。九歲的美美和五歲的強仔，父親因為犯事身陷牢獄，兩姊弟被迫吃盡苦頭。「我唔想再返學啦，我驚同學知我爸爸坐監，而且𠵱家我返學嗰對運動鞋已經唔啱着，迫到我啲腳趾好痛，媽咪又話冇錢買過對新，我覺得好唔開心。」年紀小小的美美，扁着嘴訴說心中的不快。
聽到女兒的控訴，阿銀心如刀割。「睇見兩個細路哥要咁樣陪我捱，我真係好痛心，但𠵱家咁嘅環境，兩餐都搞唔掂，重邊有可能買其他嘢畀佢哋吖。」四十歲的阿銀涕淚漣漣地說。
去年底，阿銀帶着幼子來港與丈夫及長女團聚，可惜歡欣的日子實在太短暫，早前阿銀的丈夫因一時貪念犯下盜竊罪，現正在獄中服刑，舉目無親的阿銀，未來兩年都要獨力負起照顧一對兒女的責任，感到彷徨不已。
「我一個人要照顧兩個細路，搵兼職又搵唔到，𠵱家三仔乸迫住用囡囡一份綜援，夠交租又唔夠錢開飯，都唔知點算。」阿銀慨歎，現時除了拖欠租金外，三餐亦只能以薯仔、青菜果腹，可是手頭上的錢已花得七七八八，未來數日恐有斷炊之虞。
阿銀的個案由香港社區組織協會轉介，蘋果日報慈善基金了解過她三母子的處境後，即時撥款五千元助她暫解燃眉之急。
捐款編號：C1133
暖流熱線
電話：29908688
傳真：23702192
電郵：
網址：