鰂魚涌康怡花園Q座，地點就腳，行3分鐘到地鐵站。一街之隔是康怡廣場，有大型日資百貨公司，再過馬路往康山花園，有街市、酒家及茶餐廳等，交通及生活所需樣樣齊。
位於Q座的筍盤，除擁有上述起居方便作賣點外，另一吸引之處是面積583方呎，屬屋苑細單位，涉及銀碼較細，上車客也易於承接。單位2房2廳，以飯廳及房間較四正闊落，布局工整。不過，客廳呈鑽石形，廚房呈三角形，略嫌嘥位。浴室雖較細，但預留地方擺放洗衣機。
廳房保留原裝柚木地板，牆身貼牆紙，襯以腰線，訂做部份入牆家具，廚房已更換廚櫃，枱面鋪雲石。可是，浴室設備簡陋，有需要翻新。
香港置業司徒偉文表示，近期不少業主趁勢反價，而筍盤叫價未變，每方呎2830元，屬平價盤。
●未有因市場氣氛轉好而反價。
●每呎開價2830元，同類放盤則約2900至3400元，至少低2%。
●細單位，是進駐該屋苑上車盤之選。
●近地鐵站及商場，交通購物就腳。
記者：溫潤潔
攝影：張家俊
