八方一直知道，社會福利署署長林鄭月娥由於喺大學時候讀社工系，所以好鍾意社署份工，舊年本來有機會上位做常秘，佢都唔肯制。今次佢願意調去做房屋同規劃，相信孫公都落咗唔少嘴頭。
有職都唔肯升，林太就係呢種人。不過，佢阿姐cut綜援，就肯定受到好多人抨擊。八方一個老友講親呢個問題就咬牙切齒，特別見到班老人家前幾日又去特首辦請願，就更大罵「乜都可以cut，唔應該cut窮人嘅錢。」呢位中產人士嘅聲音，希望林太收到，日後環境好，請記得第一時間要照顧班弱勢社群。
講番林太，佢已經決定延至十月底先離開社署，最多冇假放。佢走咗之後，會做「護幼教育基金」嘅顧問，同陳馮富珍一樣唔會撒手不理，捐咗錢嘅人唔使擔心。
傳真︰2623-9278
電郵︰