老董嘅班子認真騎呢，國慶日竟然有兩個問責高官唔舒服，公務員事務局局長王永平重因為發高燒要入醫院，煲呔就頸痛去唔到酒會，你話幾黑。
八方問公務員事務局，佢老細病況如何？原來王永平已經出咗院，噚日正式返工，不過就忙到成日都唔喺辦公室之內。
對於近日好多人談論王永平嘅身份已經不再是公僕，佢身邊嘅人就話冇乜特別意思，只係話永平哥已經決定永遠脫離公務員隊伍，唔會係做完問責局長之後，再吃回頭草啫。
講開抱恙，煲呔就認真唔妥，佢老哥條頸痛，搞到坐立不安，上晝返工，下晝去做物理醫療，醫生重話有排搞㖭，你話死未。
傳真︰2623-9278
電郵︰