政府終於宣布投資移民嘅細則，口口聲聲話唔受祖國同胞玩，但係八方一位老友就笑笑口話，其實班同胞大把方法嚟香港登陸。
香港唔受大陸人玩，但係人哋由何厚鏵領導嘅澳門特區一早已經唔理咁多，大開中門。國內同胞只要投資一百萬元，已經可以取得移民資格。
上次八方睇有線電視，佢哋訪問咗一個福建移民，嗰位老哥不但移咗民去咗澳門，重炒房地產賺到錢，唔到你唔服。
呢啲同胞日後做咗澳門居民，咪分分鐘可以用六百五十萬投資移民香港？時間係長咗啲，路係轉折咗啲，咪一樣嚟到。老董唔好再自欺欺人啦，不如直接打開大門，好似田少話齋，歡迎所有國內有錢親戚嚟，窮嘅就免問啦。
傳真︰2623-9278
電郵︰