德永英明早排終於醫番好腦病,前日佢就喺日本埼玉文化中心,為佢嘅復出巡迴演唱會進行公開綵排。雖然德永已經有兩年冇企喺台上唱歌,但佢喺呢兩個鐘入面,好陶醉咁唱咗十五首歌,依然保持水準。 門票早已售清 外表比起以前滄桑咗好多嘅德永英明話:「我一個月之前已經為個唱作好準備,呢排我每日都做gym,所以體力方面唔成問題。而啲fans仍然好支持我,二十五場嘅門票一早賣晒,真係令我好開心!」