吳啟華在《妙手仁心》中的程至美醫生一角，深入人心，對於懷疑他今次在北京嫖妓一事，記者昨日先後訪問了近三十名街坊，大部份人均認為無損吳啟華的形象，認為只要他演技好的話，仍會繼續追捧他主演的電視劇。
林小姐： 男人逢場作戲冇乜所謂，呢啲係個人品德問題，唔會因為呢啲嘢唔睇佢啲戲。
黃太太： 呢啲係藝人嘅私生活，我唔會唔睇佢啲戲嘅，不過，對形象就真係唔係咁好。
陳小姐： 呢啲煲水新聞啫，都唔係真啩，我諗我會繼續睇佢做戲嘅。
梁女士： 呢啲係佢個人品德問題嚟，咁佢演技好咪得囉，我都會繼續睇佢做戲嘅。
張太太： 我一直都有睇佢啲劇，係佢忠實戲迷，重好鍾意佢，覺得佢斯文又靚仔，最初都唔信呢件事係真，但係圖文並茂，我對佢都好失望，以後都唔會睇佢啲戲，呢件事完全影響佢嘅形象。
