立法會議員朱幼麟喺十˙一國慶當日坐飛行服務隊直升機跳降傘，手持國旗空降淺水灣，佢當日十分興奮，但係原來現場有啲人唔多高興。一位市民寫信畀各大傳媒投訴，話當時原本同家人喺海灘玩緊，突然俾人趕走，部份海灘更封咗畀朱幼麟降落，佢質疑係咪有人以權謀私。
飛天豬噚日大呼冤枉，佢話活動係香港降落傘協會搞嘅，得到旅遊發展局支持，空降淺水灣就係要表演畀遊客睇，而且海灘只係封咗半個鐘，佢懷疑投訴人別有用心，針對國慶。其實飛天豬毋須多心，怪只怪旅發局事前冇宣傳，先至令市民一時誤會啫！
（圖）飛天豬國慶日降落淺水灣，事後俾人投訴佢「以權謀私」。
傳真︰2623-9278
電郵︰