去差館當食飯嘅葛妮洛芙（CourtneyLove），前日又因非法進入前經理人兼男友JimBarter嘅屋企而被捕。話說葛妮洛芙喺前日凌晨時分，用石頭打爛男友大宅嘅窗門入內搗亂，之後因為有人聽到巨響而報警。警方趕到現場之後，發現葛妮洛芙神志不清咁企喺間屋前嘅路中心，懷疑佢吸咗毒，所以就鎖佢返差館，其後葛妮洛芙重入埋醫院！𠵱家葛妮用約二萬蚊港紙保釋，遲吓重要上庭。