沉寂了一段日子的PalmOS市場，今個月相當熱鬧，皆因兩大巨頭PalmOne及SONY前後腳齊齊出新機。首先由PalmOne開戰，一口氣推出三部新機，由入門級當中最矚目乃期待已久的TungstenT3，終於換上虛擬手寫區，處理器亦用上400Mhz，令PalmFans都可一嘗大畫面滋味之餘，亦有更快之操作環境。
而TungstenE就另創一格，唔再用伸縮式機身，走回較傳統直身機路線，處理器就用126Mhz。最後Zire21則走低價機路線，黑白畫面加8MB記憶體，對要求唔高嘅用家的確有一定吸引力。
而SONY今次新機數目就較PalmOne為少，只有兩款ClieTJ35及ClieTJ25，不過兩者在外形及硬件上都一模一樣，只係32MB（TJ35）及16MB（TJ25）記憶體之分，兩者相差16MB記憶體，不過價錢差$400稍為昂貴。而香港代理就已經決定推出，不過暫時未知道會否兩部齊齊到港。
記者：劉耀祥
