九五年港姐冠軍楊婉儀昨日往中環，為瑞士名牌Chopard示範高級珠寶，其中包括一隻價值逾八百萬元的紅寶鑽表。罕有地穿上RalphLauren低胸晚裝示人的楊婉儀，被Chopard外籍職員搭訕，一見面即問她婚姻狀況。
瑞士名牌Chopard的高級珠寶系列舉行亞洲巡迴展，百多件精品美鑽日前登陸首站香港。
其中最珍貴的當數一隻價值逾八百萬元的IceCube紅寶鑽石表，鑲上二千粒共重四十卡的美鑽，閃耀奪目。另一焦點則是Chopard花兩年時間鑽研，以黃金製成如寶石形狀的「GoldenDiamonds」系列。
昨日Chopard請來九五年港姐冠軍楊婉儀任模特兒，她罕有地穿上RalphLauren性感低胸晚裝，即時引來負責接待她的Chopard總部外籍男職員垂青。
外籍男職員劈頭第一句便以英語問楊婉儀：「你結婚沒有？」楊婉儀即表明自己已婚，外籍男職員惟有轉口風讚美楊婉儀說：「我想告訴你丈夫，你很漂亮。」
楊婉儀示範多套名貴首飾，她興奮地說：「我第一次示範珠寶，噚晚緊張到瞓唔着。我知啲首飾好閃，所以想養足精神，皮膚好啲襯得靚啲嘛，我重敷埋面膜，好彩今日狀態都幾好。」
由於打扮性感，楊婉儀不時以手遮胸，她說：「今次係我出道以來最sexy嘅一次，都唔係好慣，不過影相OK啦。老公（王瑞勳）都冇擔心，今晚都要叫佢嚟睇吓呢個珠寶展，買嘢畀我。」
問楊婉儀有否儲珠寶首飾的習慣？她說：「冇乜，我最名貴嘅就係港姐后冠，全部鑲晒鑽石，重有支權仗，全部放晒喺個好大嘅保險箱，係我傳家之寶，將來都會留畀囡囡。」
採訪：DebbieLum
攝影：EdwardChou
