王喜早前發起義工團探訪尼泊爾，眾人更自掏腰包，合資七千美元（約五萬四千港元）善款以及大量書簿文具，捐助山區小學生。王喜又親自捐了七百多張床褥和棉被給孤兒院，憑千里愛心完成孤雛甜夢。
王喜去年曾與黃貫中往尼泊爾探訪山區兒童，早前他又召集二十多位來自英、美、德、馬來西亞和香港的義工，組團再往尼泊爾，探訪當地山區小學和孤兒院。
今次王喜和義工帶了大量書簿文具和七千美元（約五萬四千港元）善款，捐予尼泊爾山區的小學生，還大派書簿文具和糖果，並再往去年曾探訪的小學參觀。
王喜日前在電話中說：「嗰間小學已經有成二十五年，上次我哋去嘅時候，屋頂因為殘舊同堆積咗雀鳥嘅糞便而壓爛咗。呢次再去，見到佢哋用鐵皮重建屋頂，又裝過啲燈膽，覺得好開心，因為令到小朋友嘅讀書環境好啲。」
除此之外，王喜又為當地一家孤兒院更換全院七百多張床褥和棉被，令數百孤雛受惠。
王喜亦重臨一條非常落後的小村莊，請村內小朋友飲汽水，其間他見到一個單眼皮男孩，忍不住跟他拍照留念，王喜笑說：「我覺得佢似我囉，我見咁多尼泊爾人，都冇見過一個單眼皮嘅。」
由於今次探訪出於自發性，大夥兒要克服不少困難才能成行，所到之處亦十分落後，衞生情況又差，但王喜說：「我覺得我聽嘅、睇嘅、接觸嘅嘢，一啲都唔污糟，因為佢哋嘅心好純潔。」
採訪：朱倬誼
