住家菜：星期三行吉之島
憑JCard攞積分換禮券

填詞人韋然，一個人住在太古城，生活總是簡簡單單為主。但講到購物，他一樣懂得精打細算。每次去吉之島超市掃貨，一定揀星期三，貪拎住張JCard購物有優惠。買菜他同樣好有心得，唔靚唔買，重專揀可以生食的蔬果，皆因「生食都咁好味，自然夠新鮮啦！」

記者：羅惠芬
攝影：陳智良

甚黐家的韋然，消遣不多，平日總是躲在家中，聽聽歌看看書。如非必要都唔出街，故上街都是逛超市為主。超市首選一定是吉之島，皆因：「地方夠大，咩都有得賣，而且食物又夠新鮮，重近屋企㖭！」

蔬果必買首選
自言生活簡單的他，在超市最鍾意買蔬果，尤其一些新鮮空運抵港的蔬菜，更是必買。「獨居關係，我的飲食生活也以簡潔為主。雪櫃擺滿可以生食和即食的食物，夠方便。」他推介這裏的黃椒和橙椒，「一次誤打誤撞買回家，未煮前試食咗一啖，原來好清甜，之後就食唔停口喇！」

本周特價四洲小食飲料
至於逛超市心得，韋然話，吉之島經常會闢一角舉辦特賣場，例如今期就有四洲特賣場，專賣四洲出品的小食和飲料。他建議大家先在超市內兜一個圈，執好平貨再購物。

彩虹橋龍脷柳配日式冷麵
$44/2人份量
早前SARS爆發，韋然利用空餘時間，寫了一本書，以愛情為中心，比喻人生要積極，是一本好勵志的書籍。他利用書中的彩虹橋作靈感，炮製出這道菜。製作簡單，顏色又豐富，論賣相已經拿滿分。

用咩料：
龍脷柳200克、帶子100克、青椒、黃椒、紅椒及橙椒各1/4隻、新西蘭燒烤蘑菇1/2隻、日本蕎麥麵100克、日本南瓜50克

好易煮：

3．龍脷柳先用少許鹽和胡椒粉醃好，再放入平底鑊中煎，煎至兩邊稍焦，即可上碟同食。

試食報告

獨家貨品推介
低脂沙律醬
呢款低脂沙律醬沒有平日吃的沙律醬咁酸，而且雞蛋成份特別多，食落又香又滑。最重要係低卡路里，女孩子吃亦唔怕肥。提你，TOPVALU屬日本吉之島自家品牌，出面無得賣㗎！
$18.5/500g

日本
即沖海草湯
愛逛吉之島的原因之一，是貪佢成日有獨家日本貨。例如TOPVALU日本即沖海草湯，就是新賣獨家貨。平日即沖麵豉湯試得多，這個海草湯味道亦不錯。韋然說沒有前者般濃味，愛清淡的人一定鍾意，放幾包在公司，隨時沖來飲都得。
$25.9/10包

新西蘭燒烤蘑菇
韋然一入吉之島，即時衝往鮮菜區，一手拿起一盒新西蘭燒烤蘑菇。他說，這種蘑菇不但大隻，最重要是極鮮甜。平日他愛將蘑菇切片生吃，味道好清甜。有時用牛油加醬油炒香，夠晒惹味。

芝麻醬油
日本超市一向多醬料選擇，吉之島亦不例外。這款TOPVALU芝麻醬油，屬吉之島獨家貨，吃火鍋、燒烤時用就最啱。最特別是用煎烘過的芝麻製成，所以特別香口。
$18.5/275g

拎JCard購物最着數
吉之島專有的JCard，入會費用$20，之後購物就可以儲積分，換領購物禮券。留意在不同部門購物，積分回報也有不同。最抵首選用1蚊換2分的部門，包括服裝部、家庭用品部和美食廣場，電器部則1蚊換1分。至於超市，只有星期三才可換分數，每2蚊換1分，好似韋然咁，夾啱時間去購物至着數。

2及20號再有95折優惠
另外，每月逢2號和20號，更有「感謝日雙重優惠」，JCard購物後，用指定付款方法，(包括現金、吉之島禮券、易辦事、AEON吉之島VISA卡、AEON吉之島萬事達卡或AEON吉之島美國運通信用卡、AEONVISA卡、萬事達卡或美國運通信用卡），更有95折優惠。