啱啱喺上半年俾人選咗做最好寫真集嘅性感女星小野真弓，近日終於有機會一登銀幕拍電影，喺《新．影之軍團~地雷火~》度飾演個女劍客「鐵炮」，重有機會同老戲骨千葉真一等人合作。小野今次當然大呼好運，日日喺京都嘅外景場地度，又舞劍又開槍，都唔見攰。而小野喺拍嗰陣時，當然成日展露佢嘅招牌笑容啦！