鄧健泓（Patrick）日內便會推出個人大碟，早前他為新歌《一分鐘之後》拍攝MV，歌詞講及一對情人分手之後，男方重遇舊情人時驚見對方已面目全非，令Patrick憶起自己多年前在加拿大的一段情。
Patrick說：「當時我淨係掛住做功課，基本上都冇乜時間陪佢，佢假期時會去我屋企搵我，不過我返到屋企就會好奉旨咁叫佢煮嘢畀我食，煮完又嫌三嫌四，有時同佢講嘢語氣又唔多好。」Patrick指二人返港後，聯絡次數愈來愈少，女友其後更另結新歡。
自言當時是不稱職男友的Patrick說：「我最遺憾係當時對佢唔夠好，冇盡力令佢開心，總之就係我唔好，我𠵱家最想就係同佢講句『對唔住』。」
採訪、攝影：李珮洳