前日國慶慶祝活動一浪接一浪，特首由朝早升旗開始，日日過幾枱，捱足十二個鐘，玩到殘過九七年六月經濟未爆煲時中國城最當紅嘅小姐。夜晚八點幾重要去紅磡睇「萬眾歡騰賀國慶」煙花匯演，唔怪得特首兩公婆一到場就疲態盡現，特首一副進入迷離狀態嘅樣，唔知係咪全日聽得太多字詞一樣嘅國慶致辭，輪到贊助商潮州商會會長蔡衍濤台上講嘢，特首已經完全無晒表情，好似中咗蒙汗藥，藥力啱啱開始發咁樣，到後來要郁動頒獎先醒番啲。
前晚潮商有份贊助，撞口撞面都係「架己冷」，當中就以林伯全家最齊人兼架勢，大仔林建名、養仔林建康同姪仔林建高傍到實入場。而劉坤銘負責晚宴，拎住對講機四圍行，重笑話自己變咗護衞㖭。
（圖）阿董兩夫婦睇國慶煙花都笑唔出。
傳真︰2623-9278
電郵︰