如果大家有留意我哋早前德國法蘭克福車展嘅現場報道的話，相信都會知道意大利愛快車廠，會為旗下166車系推出新版本；新車不但造型予人耳目一新之感，就連車內設備配搭亦見一份吸引力㖭！
從外形而言，新版166車身線條變得極富流線型，車頭鬼面罩及一組頭燈亦經過重新設計，望落倍見吸引；而闊落車廂空間，加上承托力極高嘅前後座椅配搭，絕能為乘客帶來一個更舒適嘅乘車環境。至於設備齊全嘅中控台，亦能為用家帶來不少方便呢！另外，廠方亦為選擇新版166嘅用家，提供有多台引擎選擇，當中包括2.0TS（150匹）、2.5V6（188匹）、3.0V6（220匹）以及3.2V6（240匹）型號，以切合不同用家需要咁話！新車會於本月正式推出，未知香港代理方面，何時會將之引入呢？