廖創興銀行家族烈字輩的廖烈正早前離世，享年只有五十九歲。
噚日家人為佢喺北角香港殯儀館設靈，今天舉行安息禮，而遺體就會安葬跑馬地天主教墳場。廖烈正喪禮以天主教儀式進行，棺木選用美國一級楠木製成，價值逾百萬元。靈堂以純白布幛、絲帶、白玫瑰、百合和白菊花等布置，一片清幽素雅。
廖家成員如廖烈文、廖烈智、廖烈武等都在場打點，政務司司長曾蔭權、楊受成夫婦和賭王何鴻燊千金何超瓊致送花牌。而全日最有心的要數財政司司長唐英年，佢下午三時就到場，成為第一個弔唁者，比廖家親友更早到。
財爺神情哀傷，話係以私人身份嚟，他重話：「我同廖生識咗二十年，佢對銀行界好有貢獻，我今日好悲傷，唔想講任何嘢。」
而陸續前來致祭嘅重有藍鴻震、林貝聿嘉等，律政司司長梁愛詩匆匆趕來，睇上去，位位亦心情欠佳。後來見到廖烈正遺孀廖湯慧靄行出嚟，佢表現好哀傷，只係對人講多謝關心。
（圖）廖烈正遺孀廖湯慧靄話多謝親友關心。
傳真︰2623-9278
電郵︰