做家庭主婦甚艱難，買罐頭都要計過度過，何況買家電？精明的話就唔可以錯過呢個為期四日嘅家庭用品展，家電、床上用品四折起發售，重唔趁平搬番幾件返屋企等幾時？
記者：黃婉冰
除雅芳婷之外，場內重有另一日本品牌Uji嘅家居布藝用品，好似軟腍腍雪豆咕𠱸就半價發售，全棉280針色織系列六折再九折，款式較摩登，較啱後生一族。
多士焗爐一向較多士爐受歡迎，皆因佢可以烘多士重可以焗吓薯仔、薄餅，比普通多士爐多用途，家陣重減到二百蚊有找，屋企無的話不妨買番個！
另一推介就係呢款電子保暖煮飯鍋，㩒個掣就搞掂，煮完飯重一路Keep住保溫，最啱要返工嘅家庭主婦，𠵱家五百蚊唔使就有一個。
電器唔啱feel重有其他家居用品好似床上用品，其中雅芳婷床笠連枕套以$88起發售，卡通床笠連枕袋系列就由$266起，不妨買多幾套替換。
家居用品展
地點：鑽石山荷里活廣場1樓明星廣場
日期：即日起至10月5日
時間：中午12時至晚上9時
查詢電話：21188811
＊顧客凡於荷里活廣場購物滿HK$200，即可享用3小時免費泊車。查詢：21188811
