噚日國慶，唔知《壹週刊》攞景定贈興，最新一期嘅封面古仔係「董建華二度辭職北京重新布陣」，重用螢光橙色雞乸咁大隻字強調係「二度辭職」，報道引述接近中方消息人士話，7.1五十萬人上街後，董生先後喺七月及九月向中央辭職，而且包括董太在內嘅全家人都支持佢咁做。
到咗噚日傍晚，政府新聞處發出新聞稿，話行政長官辦公室發言人鄭重表示，壹仔嘅古仔完全不符事實，重好嚴厲咁話壹仔嘅新聞操守令人遺憾，最頂癮係最後補充嗰句：「發言人指出，行政長官已多番表明會繼續全心全意為市民服務，帶領香港走出困境。」
根據民間智慧，通常政客否認嘅嘢就係真相，大家點睇？
傳真︰2623-9278
電郵︰