聞說近排醫管局主席梁智鴻好頭痕，因為兩份沙士報告都要出籠，啲報告究竟點釘法呢？醫管局使唔使孭鑊？路邊社消息話梁醫生同佢位都係做醫生嘅太太講，如果要醫管局孭，就由智鴻自己殺起晒！
所謂兩份沙士報告，一份係今日政府公布嗰份，另一份，係醫管局自己搵夏佳理做，醫管局嗰個版原本應該早過政府嗰份，但等咗兩個星期都唔出，𠵱家重要睇吓政府份報告今日公布乜，再斟酌吓啲字眼先至再彈弓手，睇嚟夏佳理對住梁智鴻呢位立法會舊同袍，一啲唔留手，咁無私，早幾年，傳過夏佳理做律政司司長，唉，係嘅，香港就有得救喇。
傳真︰2623-9278
電郵︰