劉嘉玲早前宣傳護膚產品時，公開感謝發展新戀情的張曼玉化解了她的心結。此事可證明其拍拖多年的男友梁朝偉在她心目中的重要性，愛屋及烏，在訪問中自言將家庭放在第一位的嘉玲，坦言已將梁媽媽當成家庭的一分子。
劉嘉玲日前接受本報訪問，坦言把家庭放在人生首位，其次則是愛情。她說：「家人嘅重要性係無論你做乜都好，佢哋都會無限量支持。發生事時，畀你鼓勵嘅，永遠係家人。」至於梁朝偉的媽媽，嘉玲表示一早已將她當作家人看待，她衷心的說：「跟伯母認識咗好耐，佢待我好好，我亦好尊重佢，一直當成一家人。」問她是否因愛屋及烏，梁媽媽又是否把她看作新抱時，嘉玲只管大笑，一切盡在不言中。
一向給人印象愛蒲的嘉玲承認目前正在改變，蒲的時間少了，她解釋說：「人生係一個個階段，唔想再蒲嘅原因，你可以話我玩夠，但我覺得係到唔想再玩嘅階段。講真，其實一個星期兩、三次跟朋友外出傾偈減壓都唔過份啫。不過，𠵱家喺屋企睇吓DVD，聽聽CD，感覺都好享受。」
一直有傳偉仔對嘉玲夜遊有微言，這次是否為偉仔而改變呢？她斷然否認：「我哋相識嗰時，蒲已經係我生活嘅一部份，大家都接受，亦有默契。要形容目前雙方關係，可以用舒適、和諧，感覺好舒服。我哋嘅情趣可以來自生活上嘅小節，簡單啲講同其他情侶冇分別，生日一份小禮物，一個眼神都可以充滿樂趣。」
嘉玲又透露與偉仔相處之道在於懂得分享，她說：「我每次有新護膚品都會放喺雪櫃同佢共用。除咗分享外，雙方都會共同分擔工作壓力。」
嘉玲出道已十多年，在工作上唯一要求是拍好電影。至於如何分好與壞，她說：「我剛出道時不斷接戲，每次到片場只係想快啲拍完收工，再去玩，根本冇用心。一部戲拍完，完全冇滿足感。前排拍《無間道II》，一放工二話不說就返屋企讀劇本，諗吓聽日場戲點演，每次放工心情都好開心，好興奮，因為過足戲癮，所以你話覺得我比《無》片開鏡時更加有神采，係因為滿足感都可以令人由內靚到外。」
用明豔照人來形容面前的嘉玲來得最貼切，她笑說：「可能我試用咗SK-II隻新護膚品，我之前用咗一個月，佢嘅效果都幾好。」她又表示因受身邊朋友，如梅艷芳患病所影響，目前正考慮吃燕窩或雪蛤進補，她說：「人漸成熟愈發覺健康重要。」
另外，嘉玲如今雖然有權選擇拍甚麼電影，但卻不渴望奪獎。她最想合作的導演依然是王家衞，她笑言：「做生不如做熟，領獎不如有滿足感。」
談到最近市面推出大批舊片的VCD，如她參演的《江湖情》等，嘉玲笑言不會買回來留念，她說：「當時都不知演戲為何物，演得咁肉酸，醜死鬼，唔好啦。」
