江芷妮昨日被雜誌指她忽然富貴，除了擁有一部標緻206外，又買了一部開篷寶馬，而她亦搬到九肚山寶松苑居住。據悉該部開篷寶馬前手車牌持有人登記地址是「玩具大王」蔡志明的物業，而她近日搬到的寶松苑大屋，亦是蔡志明旭日（蔡氏）公司所擁有。
對此江芷妮昨日在電話中說：「冇咁嘅事，我識蔡志明個姪仔，佢租咗寶松苑兩個車位畀我，而我梗係唔係住喺寶松苑，嗰度咁貴。」記者事後再致電江芷妮，她的經理人代答說：「佢近排係買咗一部開篷寶馬，但係自己畀錢，媽咪資助，至於個車牌就係蔡志明個親戚賣畀佢。江芷妮最近搬咗去寶松苑附近，佢為防架車刮花就向uncle租咗寶松苑個車位泊車。」此外，江芷妮昨日在無綫將軍澳電視廣播城現身，她不願再回應，只稱這件事沒有影響心情。
採訪：楊潔雯、朱芷瑩