昨日有報道指梅艷芳的助手王敏慧（Marianne），與葉童的丈夫陳國熹趁其妻在四川拍戲期間約會，又指Marianna與胡敏珊前男友毛志輝蒲天光兼當街親吻。
身在內地的葉童昨日透過長途電話說：「我同老公感情好深厚，當然好相信陳仔（陳國熹），我同老公有通過電話，Marianne同我哋係好朋友，就算有拖手或親密舉動，我相信佢哋唔會涉及男女之間的關係，我唔喺香港嘅時間，Marianne會幫我觀察老公。」
而Marianne昨日則在電話中說：「我同葉童夫婦識咗十幾年，我叫佢哋做三叔三嬸㗎，因為佢哋係我朋友嘅三叔三嬸嘛，面碰面係禮儀嚟，嗰日我哋約咗成班朋友喺Drop，未夠鐘就去Dragoni飲杯嘢先。」
至於與毛志輝親吻一事，Marianne則說：「佢係我交往中嘅朋友，發展緊但未到男友階段囉。」
而陳國熹昨在電話中說：「我好認同我老婆講嘅嘢，Marianne係鬼妹仔性格，我哋見面碰吓面好平常，我同老婆每日通電話，感情好好。」
採訪：蔡如育、陳月媚