若然大家有留意到昨日各大報章，有關太古集團退出香港汽車業務嘅消息的話，相信大家都知道香港富豪（Volvo）汽車代理權，於昨日起由一間擁有新加坡上市公司地位同車廠背景嘅全資附屬公司──WearnesMotor（HK）Ltd.（維信汽車）所經營；佢哋香港嘅話事人，正係傳聞已久，兼為車行中人熟識嘅AndrewTam出任，而市務部大員就係太古汽車順利過渡而來嘅JessicaChe所統領。以佢哋響本地汽車業有咁多年嘅豐富經驗，亞Mark預期富豪（Volvo）汽車將會帶來有一番新氣象及活力感呢！雖然昨日消息公布，即時帶來太古辭退110名員工嘅消息，惟亞Mark聽聞富豪新代理，除沿用舊有觀塘海濱道嘅維修中心、寫字樓及灣仔Showroom外，大部份原有職工、維修人員同Sales，都會為新公司所續聘，委實係一個至佳嘅善後措施。至於早前被擱置而一直押後登陸香港嘅全新富豪XC90新一代CitySUV，亞Mark所知快將於10底前登場，而明年初嘅重頭戲，可會是全新富豪40車系，還有高性能嘅R系列呢！富豪嘅忠實Fans，就真係要拭目以待喇！