余文樂及黃秋生等前晚到銅鑼灣宣傳《無間道II》，余文樂前女友唐詩詠及曾與秋生傳緋聞的黃卓玲都有捧場，唐詩詠大方讚阿樂表現佳，而黃卓玲則讚秋生是好演員，但指他脾氣差。
電影《無間道II》前晚在銅鑼灣播映特別場，主角余文樂、黃秋生、陳冠希及杜汶澤都有到場宣傳，余文樂前女友唐詩詠及曾與黃秋生傳緋聞的黃卓玲都有捧場，另外黃琛如及梁雪湄也有到場欣賞。
唐詩詠看完電影後，被問到是否捧余文樂場時，她說：「其實係一個監製畀飛我睇㗎，我同成班朋友嚟睇，個個演員都捧。」問她余文樂表現如何，她說：「做得幾好，我鍾意佢做梁朝偉個角色。」
黃卓玲接受訪問時被問到捧誰人場時，她反應很大的說：「做乜咁問？套戲我個個都識，曾志偉同吳鎮宇都有合作過，邊個都睇，秋生都係合作過一次，我同其他人合作得多啲。」
問黃卓玲秋生表現如何時，她說：「成班演員都好，秋生係一個好演員，係脾氣臭啲啫。」秋生有否向她發過脾氣？黃卓玲說：「咁又冇，杜琪峯發我脾氣多啲。」
而秋生談到余文樂與陳冠希（Edison）的表現時，他說：「佢哋做得唔錯，比以前好。」他更指余文樂沉實穩重，Edison則有個人風格。
《無》片昨日首日開畫兩點半場票房收六十五萬，成績不俗，寰亞電影負責人莊澄表示該戲片長關係無法開太多場，但估計首日開畫票房可過三百萬。
此外，韓星李政宰昨日來港為香港旅遊發展局宣傳，他說：「我嚟過香港五次，好鍾意食香港啲嘢，我鍾意睇電影《無間道》，不過呢次都冇時間睇《無間道II》，等返韓國先睇。」
採訪、攝影：何永寧
