謝霆鋒前晚在深圳舉行演唱會，患上紅眼症的他左眼又紅又腫，而他感謝唱片公司老闆楊受成及一班歌迷的支持時，更流下豆大眼淚，引起現場歌迷一陣小混亂。
謝霆鋒前晚在深圳體育場舉行演唱會，身患紅眼症的他左眼紅腫，而鄭希怡（Yumiko）與Boy'Z則齊為霆鋒擔任嘉賓。其實霆鋒前晚出場時戴上墨鏡，但後來他索性除去墨鏡，以真面目示人，霆鋒說：「最初我經理人命令我要戴眼鏡，怕會傳染，但我又怕歌迷失望，希望大家不要介意。」
落力獻唱的霆鋒演唱《至少還有你》時，一度眼濕濕又不停索鼻，他說：「一直有班人喺背後支持我，楊生、公司同事同歌迷，我唔會令你哋失望㗎。」之後霆鋒便控制不住眼淚，大滴大滴的落淚，然後他再獻唱《非走不可》，更邊流淚邊走近觀眾席，惹得大班歌迷蜂擁上前，要保安驅趕，其間有歌迷與保安發生衝突，有歌迷流鼻血及手提電話被偷，場面一度混亂。
事後霆鋒接受訪問時提到眼疾時說：「每次想做一百分，都搞到好多嘢要遲晒，我開騷之前打咗三支激素，醫生叫我要休息同戒口，快就一個星期會好番，慢都要一個月，呢個病可能會惡化失明㗎，我睇緊兩個專科，有時喺屋企吊鹽水。」
對於有傳他與王菲結婚，霆鋒說：「由得佢哋寫，係江先生（狄波拉的丈夫）個女結婚咋。我𠵱家要盡心做好工作，題外話唔去諗，工作排到出年九月，冇時間呀，其他嘢一概冇興趣。」至於有指霆鋒下月復牌，王菲買戰車為他慶祝，霆鋒說：「我從來唔會收呢啲禮物，我個人想法好傳統㗎，傳到咁好核突。」
此外，王菲連日來均在台灣為新歌拍攝MV，她昨午獨自返港，見記者拍照時一直面帶笑容，但被問到與霆鋒的婚訊時，王菲即表現不耐煩及黑面，匆匆登上保母車離去。
