肥仔李華明淪為「逐臭之夫」，佢話唔介意做「女人內褲」。男人老狗，點解咁冇出息？話說自從周梁晉身行會，立法會內務委員會個主席位即將懸空，三大黨都有興趣爭個位來做，民主黨嘅肥仔明又想爭，但係計票唔夠自由黨同民建聯加埋。
於是肥仔明諗到條橋，就係民主黨支持自由黨嘅劉健儀做主席，條件係自由黨投番民主黨一票，做副主席。即係話，肥仔明會出任劉健儀嘅內副，諧音就變成「內褲」。
通常啲中學女仔，如果感情上好好朋友，係唔介意交換衣物穿着嘅。至於噚日請肥仔明食麵嘅飛天朱就冇佢哋三大黨咁好氣，佢話自己要集中精力籌備明年嘅立法會直選。女人內褲？佢暫時冇收集嘅癖好喎！
傳真︰2623-9278
電郵︰