港台部反吸煙紀錄片《無煙國度》噚日舉行啟播儀式，幾個十六、七歲開始食煙家下成功戒煙嘅「人辦」現身說法。其中阿牛曾建成戒煙要多謝《壹週刊》，因為兩年前《壹週刊》邀請阿牛試用一種戒煙新藥，咁啱阿牛被兩個反吸煙嘅寶貝仔日煩夜煩，於是下定決心，借用藥物戒煙成功。
阿牛噚日講起兩位公子當年迫佢戒煙嘅情況猶有餘悸，話說兩位「小牛仔」會等爸爸放工入門時，一個搜身，一個搜袋，一旦成功撿獲「違禁品」，一個即時扔進垃圾桶，另一個則棄入廁所沖走。
至於黃毓民啱啱戒煙四個月，原因都係為家人，唔希望七老八十時病痛纏身要家人照顧。煙齡最短嘅嘉賓係勞永樂醫生，雖然佢都係十幾歲開始吸煙，但幾年之後突然發現自己打羽毛球竟然輸畀女子隊，知道唔戒煙唔得。
（圖）阿牛（左）同勞永樂由煙民變身「反吸煙戰士」。
傳真︰2623-9278
電郵︰