飛天朱朱幼麟噚日請咗幾個立法會同儕去毓民新開嘅「毓民私房牛肉麵」度歎茶，到場嘅有肥仔李華明、單仲偕同劉炳章。老闆黃毓民招呼咗班議員一陣，就雞咁腳話要走，原來佢係受到神嘅呼喚，晚上要去參加教會查經班，即係成班教友圍埋一齊研習聖經嗰隻神聖聚會。
好多人都知毓民一路都信東方神佛，點知最近轉性，改信基督，佢重話要叫太太丟晒屋企嗰啲神主牌，以後都唔拜神咁話。飛天朱就潤佢，信咗耶穌之後係咪唔會咁扯火，成日鬧人。毓民斬釘截鐵話：「唔會！」佢話感受到上帝想借佢把口嚟替天行道咁話喎。
（圖）朱幼麟（中）相約單仲偕（左）及劉炳章去毓民新聞嘅食店歎牛肉麵隊啤，不知幾happy。
傳真︰2623-9278
電郵︰