財爺唐唐真係全情投入搞好經濟，就連養馬都希望香港快啲搶位入直路，佢同榮智健今季有隻新馬抵港。
財爺隻新馬命名「富士晨曦」，以往佢擁有的馬匹，叫「鷹冠」同「大殺手」充滿霸氣，「富士晨曦」莫非寓意香港像日本富士山一樣，在晨曦出現時趕走黑暗，各行各業重現生機？不過，呢輪全國充滿反日氣氛，連晨曦都覺得富士山嗰一浸靚啲，唐唐點樣向俾班珠海㗎仔叫雞團激嬲嘅全國網民交代呢？
「富士晨曦」係三歲未出過賽嘅澳洲自購新馬，去年由澳洲靈犀牧場賽馬經理MarkPilkington代財爺在澳洲神奇百萬拍賣會投得，身價達八十四萬港元，到港後交由希斯訓練。
至於榮大董匹馬命名「驕陽」，冇話明係東京驕陽，中立好多，始終係前國家名譽主席嘅公仔，講到民族感情，分寸準好多。
（圖）唐唐將新馬命名「富士晨曦」，好可能「捉蟲」。
傳真︰2623-9278
電郵︰