自稱「香港名妓」，又係阿松港大校友嘅張永霖，目前妾身未明，但仍然係電盈高層。
佢阿哥唔知係咪怕太悶，有意同鄺其志以及任關佩英看齊，所以準備開咪講嘢。
今次又係港台出手請佢出山。十二號起逢星期日喺一台，下晝四點至六點開咪。
張永霖當然有賣點，所以改個名都出位啲，叫做《我哋今日唔講錢》。
張永霖話一味講錢冇用，要識得投資，好似佢自己，就唔係認叻，八○年已經開始投資買中國名家嘅書畫，九七年佢重叻，連續放咗三層樓，皆因佢見樓價高得不合理，一定會跌落嚟，於是佢當然威晒，樓價由九七年跌到今日，八方真係想問張生，到底𠵱家入得市未呢？
傳真︰2623-9278
電郵︰