昨日有雜誌指霆鋒母親狄波拉近日到中環訂喜帖，而霆鋒和王菲為了籌備婚事，男方向英皇請假，王菲亦未能騰出檔期拍攝《2046》。霆鋒的父親謝賢昨在電話中語調心平氣和，但用詞激動地說：「黐線，啲料都唔update，叫佢執笠啦。結婚嗰個係鬍鬚Kong同前妻生嘅女，拉姑幫手準備咋。」問謝賢恨不恨飲新抱茶，他笑說：「都黐線㗎，霆鋒得廿幾歲仔，邊使咁急呀。」
而王菲昨在台灣拍攝新歌MV，其經理人陳家瑛力斥婚訊不實，她說：「係人都知係拉姑老公個女結婚啦，搞錯咗人呀。阿菲忙到食飯都唔得閒，點結婚呀。」至於王菲騰不出檔期拍《2046》，陳家瑛說：「乜唔畀期呀？我哋已經同澤東夾緊期。」
另邊廂，霆鋒昨到深圳舉行演唱會，其經埋人霍紋希否認霆鋒請假結婚一事。問霍紋希霆鋒得悉報道後有何反應，她說：「佢鬧黐線囉，重問番我佢有冇向我請假。」
採訪：比華利、蔡如育