擁有四十二吋長腿的莫文蔚（Karen）最近成為連卡佛一百五十年來首個任廣告主角的亞洲歌手，她早前遠赴西班牙馬德里三天，拍攝○三秋冬鞋履廣告，在華麗的賭場和街頭，演繹西班牙女「鞋」浪漫風情。
有「長腿美人」之稱的莫文蔚早前遠赴西班牙，為連卡佛拍攝○三秋冬鞋履平面廣告及目錄。今次目錄焦點以西班牙品牌鞋履為主，廣告主題以故事形式講述一個少女忽然即興離港，到西班牙流浪，然後漫無目的地四出探索，感受當地的浪漫氣氛。
Karen在七月時特別到西班牙馬德里逗留三天拍攝造型照，她甫抵埗卻嚷住要吃中餐。
於連卡佛鞋履部PedderGroup任職的周嘉玲負責統籌這個廣告製作，日前她接受訪問時興奮地說：「今次係好完美嘅組合，我哋有五、六個同事飛埋過去，又請咗喺歐洲好hit嘅香港著名攝影師夏永康操刀，同埋得到西班牙嘅時裝雜誌《Elle》、《Vogue》雜誌聯絡當地最出名嘅化妝、髮型班底，重去埋極少外借嘅CasinodeMadrid取景，嗰度嘅古董水晶燈好靚㗎。」
問周嘉玲為何選中Karen任廣告模特兒？她說：「因為Karen喺中、港、台三地嘅知名度都好高，佢對腳又有成四十二吋，出名又長又靚，而且係充滿力量嘅，highlight啲鞋就更加好！」
Karen在廣告中盡展浪漫不羈，如穿上晚裝蹲在地上、披上大衣在街頭遊蕩，或是赤足拿鞋，甚至與男模身貼身大擺誘惑甫士，周嘉玲對此說：「Karen唔做model嘥晒，完全即興自由發揮，佢令到大家可以從唔同角度睇鞋，將鞋注入生命。」這輯全新廣告將於下周出街。
西班牙以優質皮革及皮鞋著名，近年該國的鞋履品牌加入潮流元素，又任命新進設計師，令西班牙鞋履更趨時尚。
今年冬天連卡佛重點推介的多個鞋履品牌中，包括著名西班牙品牌BeverlyFeldman，選用紐約的設計師掌舵，添加美式味道十足的elegancechic，格調高尚而有型。
而品牌Magrit則以手工精巧著名，喜用金、銀、閃石等搶眼元素，華麗動人。
至於皮鞋世家PedroGarcia用料柔軟，風格高貴之餘不失時尚觸覺，並加入loosecutting的長靴和Smokyblue等流行色調於冬季鞋款中。
採訪：DebbieLum
