鄭希怡（Yumiko）的家人日前從上海來港，前晚Yumiko與雙親及嫲嫲同遊銅鑼灣，於百貨公司購物，Yumiko不止全程照顧八旬嫲嫲出入，還請家人大吃越南餐。
鄭希怡的家人一向居於上海，但日前她的父母及年屆八旬的嫲嫲專程來港旅遊，前晚Yumiko做孝順女，與家人同遊銅鑼灣。
前晚八時，Yumiko一家四口出現崇光百貨內的化妝品櫃位，她身穿粉紅色Ｔ恤，戴上頭帶及一副大墨鏡，但仍有不少市民認出她，並向她索取簽名，而Yumiko亦有求必應。
及後Yumiko一家步行前往位於附近的燕萍越南餐廳，由於嫲嫲走路比較慢，故Yumiko全程陪在嫲嫲左右，還體貼地扶着她出入，Yumiko一家在店內逗留了一個多小時後，約於十時便一起乘的士離開。
昨日本報聯絡身在深圳、為謝霆鋒演唱會做嘉賓的Yumiko，她透過長途電話說：「我屋企人喺前幾日嚟香港，噚晚我錄完音，就出去同佢哋食飯行街，買咗啲護膚品同香薰，我爹哋鍾意食越南嘢，後尾就同佢哋去咗越南餐廳食飯囉，噚日都使咗幾千蚊㗎，促進吓香港經濟啦。」
Yumiko表示其家人經常都會來港探她，而且她的父親在港亦有生意往來，Yumiko說：「佢哋間唔中都會嚟探吓我，呢幾日有時間嘅話，我都會帶佢哋再出去行吓，我嫲嫲成八十幾歲，但佢身體都ＯＫ嘅，噚日佢重自己出街買燕窩，重識自己上嚟我屋企煲燕窩畀我食，我住得咁偏（西半山），佢都識嚟，佢好叻㗎。」
採訪、攝影：朱倬誼、娛樂突發組
