繼豐田代理引入新一代Prius混合燃料車輛，於日前響尖沙嘴作首展，並備受車迷歡迎後，原來著名獨立汽車進口商「人頭馬」車行，亦引入咗配用Hybrid混合燃料引擎及智能四驅系統嘅AlphardHybrid及EstimaHybrid新車抵港，實行響應環保咁話；呢兩部環保MPV皆以一台2.4公升偈與電馬達作配搭，除平均每公里耗油量僅約$0.6至$0.7，以及運轉寧靜暢順外，一套智能四驅系統，更能令車子有更佳行車表現㖭！另外，由於兩者皆屬至頂級型號，故此除咗乘坐舒適度十足之餘，設備配搭又見齊全易用㗎！據聞新車售價會係40萬上落，有興趣嘅朋友，不妨向「人頭馬」車行查詢一下。