黃霑雖然表示與林潤添不相熟，但獲悉事件後大為感慨，不住地搖頭歎息，甚至一度激動爆粗，霑叔說：「做乜X嘢呀！咁後生點解揀自殺？我哋呢啲都冇想過要死，生命可貴，咁後生就冇勇氣去面對，真係太過放縱，應該要先想吓父母。」
胡楓：我同聲仔（林家聲）後生時成日合作，嗰時佢都未拍拖，近年好少聯絡佢。聲仔係比較內向嘅人，發生啲咁嘅事，聲仔真係好慘。𠵱家啲後生遇到解決唔到嘅問題就尋死，我哋五十年代重艱難啦，我都同啲仔女講有乜事都唔使死，我呢個年紀已經冇乜好求，最緊要健康、開心同埋一家人齊齊整整。
羅家英：「我睇住潤添出世，呢個世界邊度冇壓力呀。社會日日都好多呢啲事發生，唔覺得愕然，只不過呢個係林家聲個仔。𠵱家啲年輕人喺溫室長大，家長應該訓練啲小朋友面對壓力，年輕人唔打邊得呀，嗰時我老竇都打到我飛起，我𠵱家又係企喺度。」
