劉嘉玲昨日在金鐘宣傳新護膚產品，她透露今日將啟程往剛發生八級大地震的北海道拍戲，曾經歷地震的她表示會聽天由命。對於張曼玉有新戀情，劉嘉玲公開表示祝福，更多謝張曼玉為她解開困擾。
劉嘉玲昨日以代言人身份出席SK-II新產品發布會，心情大好的嘉玲更在台上即場示範眼部護理心得。日前北海道發生八級大地震，但嘉玲今日仍如期啟程往北海道，與劉青雲、應采兒拍攝電影《七年之癢》，問嘉玲怕不怕有餘震，嘉玲無奈說：「唔驚就假喇！我地都有同製作公司反映過㗎，不過都照去，聽天由命囉，呢啲整定嘅，希望佢哋畀啲矮啲嘅屋，或者帳幕我住啦。」
嘉玲又透露曾親歷台灣和日本地震，她說：「東京嗰次半夜地震，我嚇到走出酒店門口企，一個人企街企天光，酒店得六、七層樓高，但都搖搖吓。當時都唔識諗嘢，淨係希望冇事咋！」問她今次可有加重保險？她說：「無諗過，總之電影公司負責，到時大家互相照應啦！」
談到嘉玲早前在北京出席宣傳活動，被設計師AlainMikli鹹濕彈胸圍帶，她說：「次次都係寫最唔好嗰方面，我同佢好熟，佢份人好聰明，好平易近人。」問到其男友梁朝偉提及此事時即黑面，嘉玲說：「偉仔都識得佢（AlainMikli），有時去巴黎都會一齊食飯，偉仔唔係黑面，佢覺得呢啲問題無知。」
張曼玉曾多次與偉仔傳緋聞，近日則被揭發與玉寶表行政總裁拍拖，嘉玲對此說：「係咪真㗎？佢未證實，未認過㗎？如果係真，都會替佢開心。」張曼玉曾在雜誌中公開多謝嘉玲，嘉玲昨日亦禮尚往來，她說：「我都要多謝佢！佢化解咗你哋一路開嘅玩笑，我哋係大人嚟，知道發生乜事，次次都夾硬問啲問題，對我唔公平，令我好困擾，真係要多謝佢幫我解開困擾。」
採訪：梁錦雯 攝影：仇志德
