自從沙士後，我們的衞生習慣或多或少已改變，就算小朋友不喜歡，亦要提起其梳洗、清潔的「興趣」，對於家長來說的確有一定難度。與其叫到喉嚨沙啞，不妨諗諗計做一些小手工，將浴室用品變成開心樂園，以增加孩子們對梳洗的興趣。以後小朋友起身，就會自動自覺去洗面刷牙，不需再為此而煩惱！
記者：區佩嫦
攝影：陳陶鈞、黃子偉 ImageKid：廖睿哲
浴室最常用的便是毛巾，就先從毛巾着手吧！一於加點花巧，吸引小朋友的注意力。小朋友最愛卡通動物，家長可將毛巾「扮成」不同的動物，將毛巾打扮成熊仔或青蛙，只要自行繪畫圖案，再貼上絨布便可，方法簡單，效果唔錯㗎！
小貼士：毛巾經常沾濕，用一般膠水貼絨布是絕不可能，你可到美勞用品店購買布用膠水，或可購買畫Tee的顏料，但最簡單的方法是用針線，一針一針地縫上，保證濕水或放進洗衣機亦不會「甩頭甩髻」。
材料：毛巾1條（約$8）、絨布（深啡、淺啡、黑及白）各1塊（每包$5）、布料專用膠水1支（$40）。
要小朋友乖乖刷牙，不妨為他們穿製一條珠仔牙刷繩。大家還可以在牙刷繩的尾部穿上噹噹，讓小朋友邊刷牙邊聽到噹噹的聲音，每次刷牙自然成為樂事。
小貼士：牙刷繩宜用幼身的尼龍繩穿製，魚絲雖然能耐水，但卻太軟，效果不佳。另外，若怕用火機固定繩結有危險，不妨改用透明指甲油，效果一樣。
材料：牙刷1支（約$15）、顏色噹噹2個（每個$1.5）、字母珠仔及膠珠隨意（每安士$5）、幼繩1碼（$0.6）。
在漱口杯上貼上顏色鮮豔的瓷磚仔，感覺特別又富手感，孩子對充滿色彩的杯自必愛不釋手。另外凹凹凸凸的杯面亦可避免小朋友拿不穩而跣手。
小貼士：雖然小瓷磚的四邊並不鋒利，不過始終要小心，貼時切勿貼近杯口的位置，這可避免一不小心便𠝹損嘴巴。
材料：漱口杯1個（$12）、雜色瓷磚仔1包（$14）、花形瓷磚仔1包（$14）、瓷磚膠水1支（$30）。
小秘技
膠紙變針穿珠更易
穿珠仔的確費神，有時條繩較粗，很難將珠仔穿入（當然繩的粗度與珠仔窿的闊度相若才行）。有個貼士醒你，只要用條膠紙便可。將膠紙的一半緊貼繩的開口位置，膠紙的另一半則搓成條狀變成針般，不妨將膠紙用雙掌前後搓緊，將「針形」的膠紙往珠仔的窿內一穿便可，十分方便。
