正當香港富豪汽車新代理，籌備得如火如荼之際，另一邊廂嘅現代汽車，響廠方嘅首肯下，原本早已成為仁孚行嘅囊中物，但響雙方簽訂意向書前卻出現咗亂子，令整件事變得膠着狀態，雙方至今仍未達成進一步共識呢！
據知情人士向亞Mark透露，話響現代車廠給仁孚行嘅代理商條款中，竟出現咗一項免問責項目，當中意思竟然係出廠車輛若出現問題，代理商無權向車廠追討責任及賠款喎！咁你話喇！呢啲關乎車廠嘅聲譽問題，廠方竟然將責任推落代理身上，以仁孚行代理咗平治汽車咁耐日子，若然部Benz有件零件出現問題，廠方定必通知全球代理商，Call返班人客返去維修部更換，咁至可以給予人客用車嘅信心嘛！只顧眼前利益而無長遠眼光的話，又難怪韓國車響香港嘅銷路，會停滯不前啦！