楊紫瓊、鄭希怡（Yumiko）和2R昨日往銅鑼灣維園，出席第四屆「世界心臟日」活動。
「心臟健康榮譽大使」楊紫瓊表示經常要提醒男友和家人小心身體，她說：「我會日日煩佢（男友鍾再思）唔好飲咁多同食咁多，佢都會聽少少。」對於成龍甲狀腺生瘤，楊紫瓊說：「佢咁快check到真好命，佢咁堅強一定冇事，有病最緊要保持心情開朗。」
另外，Yumiko早前面試成龍開拍的《新警察故事》，但是最後落空，更被楊采妮取代「龍嫂」之名，她說：「終於甩難啦！我之前面試演殺手，可能我功夫唔得，所以唔搵我。」
此外，2R昨日在旺角出席慈善足球賽，Rosanne雙腳瘀痕纍纍，她說：「因為練舞時成日抽筋，去咗按摩，所以搞到好多瘀痕。」
採訪：汪正文、楊潔雯
攝影：陳志嵐
