影壇大師昆頓塔倫天奴（QuentinTarantino），除咗拍戲嘅手法獨特得嚟又夠型格外，佢揀嘅電影配樂都係好掂。當年佢拍嘅電影《危險人物》，除好多人都激讚套戲外，連帶入面嘅歌，都好受歡迎。好多影迷同樂迷，都會特登買番呢套戲嘅原聲大碟珍藏。
今次塔倫天奴新片《標殺令》嘅Soundtrack，全球都一致睇好，好多潮人都知道係今期必聽！今次塔倫天奴為套片揀嘅歌好特別，而且佢重用咗日本嘅音樂人助陣。身為日本搖滾教祖嘅布袋寅泰，就獲邀為電影創作兼演繹主題曲《BattleWithoutHonororHumanity》。原來塔倫天奴睇過布袋同豐川悅司合演嘅《新沒有仁義之戰》，好欣賞布袋嘅演技同佢為套片作嘅音樂，所以就搵佢幫手。
塔倫天奴又因為去日本玩嗰陣聽過當地一隊PunkRock女子樂隊The5.6.7.8.'s嘅歌，所以用咗佢哋首《WooHoo》做插曲。此外，Soundtrack入面亦有嚟自唔同年代嘅型歌，好似六十年代歌姬NancySinatra嘅《BangBang》、HipHop樂團Wu-TangClanRapper成員TheRZA嘅《OdetoOrenIshii》同經典騷靈歌手IsaacHayes嘅《RunFayRun》等。