前晚的《勁歌》第三季季選印證了歌手缺席便沒有獎的事實。鄭經翰直指《勁歌》沒有公信力，是「擦鞋獎」，而劉德華則以因果論揶揄無綫，稱自己「因」生日和家人過，結「果」少了一個獎。
受廉署的「舞影行動」影響，前晚在無綫將軍澳電視廣播城舉辦的《二○○三年勁歌金曲第三季季選》備受矚目。頒獎禮之前，早有傳聞指歌手缺席即沒有獎，結果缺席的劉德華、陳奕迅、梁詠琪和謝霆鋒齊齊食白果。
《勁歌》監製賴偉棠被問及歌手是否不到就沒有獎，他沒有正面回應，但言談間則默認，賴偉棠說：「要用節目出街作準，電視製作都希望攞獎嘅人可以出席。」
時事評論員鄭經翰（大班）昨日接受本報訪問時，直指《勁歌》是沒有公信力的頒獎禮，他說：「唔嚟就冇獎，呢啲咪係捧場獎囉，冇意思㗎，唔係代表受歡迎，唔係代表好，係代表擦鞋，係擦鞋獎。即係證明佢由頭到尾都冇公信力！」
前日是劉德華四十二歲生日，他因要留在家中與親友慶祝，未能出席《勁歌》季選，結果他亦沒有獲獎。華仔昨日接受本報記者訪問時說：「咁我生日吖嘛，我十年嚟生日都休息㗎啦，以往我最少有三個星期假期，今年得番一日，冇理由得一日休息都要我開工啫。你哋有冇睇《大隻佬》呀？『萬般帶不走，惟有業隨身』，做人最緊要開心！」
對於缺席便沒有獎的制度，華仔說：「希望呢個制度只係今季實行啦，無綫都有佢難處。好似一間學校咁，老師今年真係要『點名』先畀你攞成績表，我請咗『事假』，希望老師體諒，老師話唔批，咁都冇辦法。『有因必有果』，假如『因』為我生日得一日休息，我決定揀同家人度過，結『果』就少咗個季選獎。我唔覺得有問題，做人做事都係睇你點選擇，只要自己覺得開心咪得囉。
「不過未來日子我都要出外拍戲，下一季季選我拍緊張藝謀電影，都未必喺香港。今次我生日喺香港自己揀休息，無綫覺得唔係一個理由，咁下次我真係做嘢，無法抽身，就希望無綫可以真係體諒吓我囉！」
有傳陶喆取得的「最受歡迎國語金曲」獎，是因為周杰倫不能出席，才落在陶喆之手。
對此周杰倫的台灣唱片公司總經理表示，對無綫的遊戲規則不願置評，不過陶喆亦是個優秀的歌星，他們覺得賽果沒有問題。
另外亦透露無綫確實有聯絡過周杰倫出席頒獎禮，但因為周杰倫當日在內地有活動，所以未能出席。
採訪：蔡丹
