若要數當今車壇最受車迷歡迎嘅家庭七人MPV，相信一定唔少得本田Stream一份兒，但由推出至今已有一段時間，或多或少都會予人看膩嘅感覺，廠方有見及此，便於日前為其推出全新版本；新車整體造型雖沒有太大改動，但全新頭燈及鬼面罩組合，卻予人一份新鮮感。
從外觀而言，新版本田Stream頭燈會改為由三盞圓燈（連指揮燈）組成，再襯以新款鬼面罩組合，賣相明顯較前變得吸引突出；除此之外，一組合金胎軨用上新配搭，而尾燈亦屬新設計，車牌旁更加有燈號組合，亦能令車子散發出一陣誘人魅力呢！至於車廂方面則沒有太大改動，依舊以坐得舒適及座椅靈活多變為賣點，設備配搭亦見齊全易用；然而，新版Stream嘅機械配搭仍與現有型號相同，分別係1.7公升直4SOHCVTEC（130匹），以及2.0直4DOHCi-VTEC（156匹）型號，匹配4前速自動波或5前速S-Matic半自動波，性能表現絕對毋庸置疑。有興趣嘅朋友，不妨留意一下新車在港嘅推出日期喇！